Modulni Import qilish (Import)

import kalit so'zi boshqa modullar tomonidan eksport qilingan qiymatlarni joriy faylga chaqirib olish uchun ishlatiladi.

---

Import usullari

Import qilish usuli eksport qilingan qiymat turiga (Named yoki Default) bog'liq:

• Named imports — jingalak qavslar { } ichida yoziladi.
• Default imports — qavslarsiz, erkin nom bilan yoziladi.

---

Nomlangan Importlar (Named Imports)

Agar siz moduldan ma'lum bir nomlangan elementlarni olmoqchi bo'lsangiz, ularning nomini aniq ko'rsatishingiz kerak.

Misol:

import { name, age } from './person.js'
import { add, PI } from './math.js'

Xatolikdan qoching

Nomlangan importda element nomi eksport qilingan nom bilan bir xil bo'lishi shart. Agar add o'rniga addd deb yozsangiz, xato yuz beradi.

---

Standart Import (Default Import)

Standart eksport qilingan qiymatni import qilishda siz jingalak qavslardan foydalanmaysiz va o'zingizga qulay istalgan nomni berishingiz mumkin.

Misol:

// message.js (export default qilingan)
import message from './message.js'
import text from './message.js' // Ikkalasi ham ishlaydi

---

Import qilishda nomni o'zgartirish (Alias)

Agar import qilinayotgan nom joriy fayldagi boshqa nom bilan to'qnashib qolsa, as kalit so'zi bilan unga yangi nom berish mumkin.

import { add as addition } from './math.js'
console.log(addition(2, 3))

---

Hammasini birda import qilish (*)

Ba'zan modul ichidagi barcha eksportlarni bitta obyekt sifatida olish qulay bo'ladi. Buning uchun * as sintaksisidan foydalaniladi.

import * as MathUtils from './math.js'

console.log(MathUtils.PI)
console.log(MathUtils.add(5, 5))

---

Farqlar jadvali

Xususiyat	Default Import	Named Import
Sintaksis	import x from "..."	import { x } from "..."
Nom mosligi	Shart emas (erkin nom)	Majburiy
Qayta nomlash	Shunchaki boshqa nom yozish	as orqali
Eksport soni	Faylda faqat 1 ta	Faylda cheksiz

---

Dinamik Import

Ba'zida modullarni sahifa yuklanganda emas, balki ma'lum bir hodisa (masalan, tugma bosilganda) sodir bo'lganda yuklash kerak bo'ladi. Bunda Dinamik Import ishlatiladi. Batafsil o'rganish »