MohirDox

Ko'rinishi

C++ bayonotlari ​

Kompyuter dasturi — bu kompyuter tomonidan bajarilishi kerak bo'lgan "ko'rsatmalar" (instructions) ro'yxatidir.

Dasturlash tilida ushbu ko'rsatmalar bayonotlar (statements) deb ataladi.

Quyidagi bayonot kompilyatorga ekranga "Salom, Dunyo!" matnini chop etishni buyuradi:

cpp
cout << "Salom, Dunyo!";

MUHIM

Bayonotni har doim nuqtali vergul ; bilan tugatish juda muhim.

Agar nuqtali vergulni (;) unutib qoldirsangiz, xatolik yuzaga keladi va dastur ishga tushmaydi:

cpp
cout << "Salom, Dunyo!" // Xatolik: ';' kutilmoqda
return 0;

Shunda siz quydagi kabi xatolikni ko'rasiz:

bash
error: expected ';' before 'return'

Ko'plab bayonotlar ​

Aksariyat C++ dasturlari ko'plab bayonotlarni o'z ichiga oladi. Bayonotlar yozilish tartibi bo'yicha birin-ketin bajariladi:

cpp
cout << "Salom, Dunyo!";
cout << "Bugun ob-havo ajoyib!";
return 0;

Yuqoridagi misolda uchta bayonot mavjud:

  1. cout << "Salom, Dunyo!"; — birinchi bo'lib bajariladi (ekranga matn chiqaradi).
  2. cout << "Bugun ob-havo ajoyib!"; — ikkinchi bo'lib bajariladi.
  3. return 0; — oxirida bajariladi (dasturni muvaffaqiyatli yakunlaydi).

Birinchi bayonot birinchi bo'lib bajariladi (ekranga "Salom, Dunyo!" matnini chop etadi).

Keyin ikkinchi bayonot bajariladi (ekranga "Kuningiz xayrli o'tsin!" matnini chop etadi).

Va nihoyat, uchinchi bayonot bajariladi (C++ dasturini muvaffaqiyatli yakunlaydi).

MA'LUMOT

Siz ushbu qo'llanmani o'qish davomida bayonotlar haqida ko'proq ma'lumot olasiz. Hozircha esa xatolarga yo'l qo'ymaslik uchun ularni har doim nuqtali vergul bilan tugatishni unutmang.