O'zgaruvchi qiymatlarni chiqarish

Python-da o'zgaruvchilarning qiymatlarini ko'rish uchun print() chiqarish funksiyasi ishlatiladi. Uning ichiga yozilgan o'zgaruvchi nomiga tegishli qiymat ekranda chop etiladi.

x = "Python ajoyib"
print(x)

Ekranga chiqadi 👉 Python ajoyib

print() funksiyasida bir nechta o'zgaruvchilarni vergul bilan ajratib chiqarish mumkin:

x = "Python"
y = "ajoyib"
z = "dasturlash tili"
print(x, y, z)

Ekranga chiqadi 👉 Python ajoyib dasturlash tili

Bir nechta o'zgaruvchilarni chiqarishda + operatoridan ham foydalanish mumkin:

x = "Python "
y = "ajoyib "
z = "dasturlash tili"
print(x + y + z)

Ekranga chiqadi 👉 Python ajoyib dasturlash tili

E'tibor bering, "Python " va "bu " dan keyin bo'sh joy belgisi bor. Agar bo'sh joy bo'lmasa, natija "Pythonbuajoyib" bo'lib chiqar edi.

Sonlar uchun + operatori matematik amal sifatida ishlaydi:

x = 5
y = 10
print(x + y)

Ekranga chiqadi 👉 15

Agar print() funksiyasida satr va sonni + operatori bilan birlashtirmoqchi bo'lsangiz, xatolik yuzaga keladi:

x = 5
y = "John"
print(x + y) 

Terminalda chiqadigan xatolik

Yuqoridagi kod ishga tushganida Python dasturlash tilining kompilyatori quyidagi kabi xatolik haqida xabar beradi.

Traceback (most recent call last): 
  File "<python-input-0>", line 3, in <module> 
    print(x + y) 
          ~~^~~
TypeError: unsupported operand type(s) for +: 'int' and 'str'

Bu yerda ikkita turli xildagi ma'lumotlar (int va str) ni bir joyda qo'shib chiqarilayotgani va bu amal qo'llab quvvatlanmasligi aytilmoqda.

Eng yaxshi usul — print() funksiyasida o'zgaruvchilarni vergul bilan ajratib chiqarishdir. Bunda har xil ma'lumot turlarini ham qo'llash mumkin:

x = 5
y = "John"
print(x, y)